Når du betalar for straum, betalar du eigentleg for to forskjellige ting, ein vare og ei teneste. Den eine, varen, er sjølve energien som du forbruker til lys og varme i huset ditt. Den elektriske energien kan du fritt kjøpa hos Fitjar kraftlag eller andre.

Den andre, tenesta, som du betalar for, er leige for å bruka det faste, utbygde leidningsnettet med kablar og eller luftspenn fram til huset ditt. Denne nettleiga vert betalt som ein fast sum per år, pluss ein sum som varierer med forbruket ditt.

Dei som er knytta til leidningsnettet som Fitjar kraftlag er ansvarleg for, betalar nettleiga til Fitjar kraftlag.

Bur du andre stader i landet, men kjøper energi gjennom Fitjar kraftlag, skal du framleis betala nettleiga til kraftlaget på heimstaden din.

Lukk vindauge

Nettleigerabatt og inntektsrammer (september 2008)
Årsmøtet i Fitjar Kraftlag vedtok på sitt årsmøte 03.04.2008 å disponere årsresultatet for 2007 slik at kr 2.000.000 vart nytta til nedsetting av nettleiga i 2008.
Like før årsmøtet fekk kraftlaget brev frå NVE om at dei hadde rekna for låg inntektsramme for Fitjar Kraftlag i dei føregåande 5 åra med til saman ca 10 mill.
Styret informerte årsmøtet om dette og sa at dei ville greie ut saka og gjere vedtak om korleis dei ville handsame dette.
Styret har seinare vedteke at dei vil søke å ta inn denne for lågt sette inntektsramma over 5 år med ca 2,0 mill. kroner i året.
For 2008 medfører dette at rabatten vedteken av årsmøtet, og auken i innetktsramma er like store, og at nettleiga som følje av dette vert uendra i 2. halvår samanlikna med l. halvår.
I 2009 kan nettleiga verta redusert med 4,6 øre/kWh (utan mva) som følgje av løyvingar i Statsbudsjettet.